Vllaznia U-19 që u shpall pak kohë më parë kampione e Shqipërisë, mund të jetë ekipi i parë shqiptar që do të marrë pjesë në Ligën e Kampioneve të Europës të të rinjve të Europës. Drejtuesit e klubit shkodran paraditen e sotme kanë konfirmuar zyrtarisht në Federatën Shqiptare të Futbollit pjesmarrjen në këtë aktivitet të rëndësishëm ku marrin pjesë ekipet kampione të vendeve të ndryshme të kontinentit për këtë moshë.

Kampionatet e Ligës Amatore të Zonës së Veriut kanë përfunduar mesditën e sotme dhe Akademia Vllazniaka siguruar edhe dy tituj të tjerë kampion, pas atij të U-19 që pak ditë më parë u shpall kampion i Shqipërisë. Përveç tij kanë spikatur edhe ekipet U-16 dhe U-12 të cilët kanë dominuar ndaj kundërshtarëve të tyre në ndeshjet finale të luajtura sot dhe janë vlerësuar kësisoj si më të mirët e kampionatit duke marrë edhe kupat përkatëse.

Një tjetër sukses për 19 vjeçarët e klubit tonë. Pas shpalljes kampion i grupit A pak ditë më parë, pasditen e sotme ato janë shpallur edhe kampion të të gjithë Shqipërisë. Ka ndodhur kështu pas përfundimit të finales ndaj Partizanit, finale kjo që u luajt në stadiumin "Elbasan Arena". Koha e rregullt e ndeshjes ka përfunduar në barazim. Të parët kanë kaluar në avantazh futbollistët e kuq ndërkohë që në pjesën e dytë ka barazuar Elmir Lekaj për kuqeblutë.